Qadın voleybolçular arasında Azərbaycan Super Liqasının II dövrəsinin son turunun keçiriləcəyi tarix dəqiqləşib. Apasport.az saytının məlumatına görə, sabah baş tutacaq IX turdan sonra çempionatda yenidən fasilə yaranacaq.

Belə ki, fevralın 25-i və ya 26-da keçirilməli olan oyunlar təxirə salınıb. Buna səbəb isə klublarımızın Avrokuboklarda mübarizə aparmasıdır. Bunun üçün də həmin turun qarşılaşmaları martın 7-də keçiriləcək. Amma həmişəkindən fərqli, oyunlar “Sərhədçi” Olimpiya Mərkəzində olmayacaq. Görüşlərin Bakı İdman Sarayında keçirilməsi gözlənilir.

Qeyd edək ki, X turda “Şirvan” - “Rabitə”, “Bakı” - “Lokomotiv” və “Azərreyl” - “İqtisadçı” matçları oynanılacaq.