Qadın voleybolçular arasında Azərbaycan Super Liqasında mübarizə aparan komandaların əvəzedici heyətləri arasında keçirilən ölkə çempionatına yekun vurulub. Apasport.az saytının məlumatına görə, artıq iki mövsümdür təşkil olunan yarışın qalibi “Azəryol” klubu olub.

Onlar finalda “İqtisadçı”dan güclü olublar – 3:0. 3-cü yer uğrunda matçda isə “Nəqliyyatçı” (“Telekom” “Rabitə”nin əvəzedicisi hesab olunduğundan bu yarışda onları “Nəqliyyatçı” əvəz edir) “Azərreyl”i 3:2 hesabı ilə məğlub edib.  

“Rabitə” və “Lokomotiv” isə son 2 pillədə qərarlaşıb.

Qeyd edək ki, komandalar mükafatlarını Super Liqanın mükafatlandırma mərasimində alacaqlar.