AFFA-nın U-17-lər arasında bu il keçirəcəyi IV Caspian Cup turnirində 3 debütant çıxış edəcək. Apasport.az saytının məlumatına görə, Asiya təmsilçiləri İranla Əfqanıstan, həmçinin yarışa ölkəmizin 2-ci komandası kimi qatılacaq U-16 ilk dəfə mükafat uğrunda mübarizəyə qoşulacaq.

Bu isə o deməkdir ki, ötənilki iştirakçılardan üçü kənarda qalıb. Bunlardan ikisi ABŞ və Uruqvay okeanın o tayından, İordaniya isə Yaxın Şərqdən yarışa gəlməyib. Onları əvəzləyəcək 3 debütantla turnirin əhatə dairəsi genişlənir. İndiyədək komandamızdan başqa 13 qonaq Caspian Cup-a qatılmışdısa, İran və Əfqanıstanla bu rəqəm 15-ə çatacaq.

Türkiyə, Gürcüstan, Qazaxıstan, Özbəkistan və Qırğızıstan yığmaları da millimiz kimi 4-cü dəfə turnirə qatılacaq.

Əvvəlki 3 turnirdə komandaların tutduğu yerlər, qarşıdakı yarışda isə iştirakını əks etdirən işarə qeyd olunub.