Almaniyada keçirilən beynəlxalq turnirdə çıxış edən 16 yaşadək futbolçulardan ibarət Azərbaycan milli komandasının növbəti rəqibi müəyyənləşib. Apasport.az saytının məlumatına görə, yığmamız 3-cü turda Bremen şəhərinin komandası ilə görüşəcək.

Qarşılaşma sabah baş tutacaq. Görüş Bakı vaxtı ilə saat 14:15-də başlamalıdır.

Qeyd edək ki, 2 turdan sonra 3 xalı olan millimiz 3 xalla 15-ci yerdə qərarlaşıb. Turnir cədvəlində yığmamızın qonşusu olan Bremen təmsilçisi isə eyni xalla 16-cıdır.