“Ciddi bir rəqibə qarşı oynayırıq. Maraqlı oyun olacaq. Çalışacağıq ki, sizin üçün yaxşı oyun göstərək”. Apasport.az saytının məlumatına görə bu sözləri “Qarabağ” klubunun baş məşqçisi Qurban Qurbanov deyib.

42 yaşlı mütəxəssis Çempionlar Liqasının III təsnifat mərhələsinin sabah “Zalsburq”la keçiriləcək oyunu öncəsi keçirilən mətbuat konfransında çıxış edib: “Nəticə qazanmaq üçün çalışacağıq. Gözəl oyun göstәrmәk istәyirik. Komandamız yaxşı hazırlaşıb. Düz dediniz ki, rәqib әla formadadır. Bir hәftәdir rәqibin oyunlarını analiz edirik. Düşünürәm ki, futbolçuları oyuna hazırlamışıq. Onları yaxşı analiz etmişik. “Zalsburq” çox sürәtli futbol oynayır. Biz dә buna görә hazırlaşırıq. Bizdә dә sürәtli hücumlar az olmayacaq. Onların qapısında tәhlükәlәr yaradacağıq. Futbolçularımın potensialı buna imkan verir. Rәqibin zәif nöqtәlәrindәn istifadә etmәyә çalışacağıq”.

Qurbanov oyundan bir gün əvvəl keçirilməli olan məşqin baş tutmamasına aydınlıq gətirib: “Bu addım futbolçuların gücünә qәnaәt etmәk üçün atılmayıb. Sadәcә, son 3 gündә başqa sistemlә çalışdıq vә bu gün istirahәt etdik. Sabah yüngül mәşq edib oyuna hazırlaşacağıq . Zәdәlilәr yoxdur. Reynaldo vә Maksim dә komanda ilә birlikdә mәşq edib. Vaxt az olsa da, rәqibi yaxşı analiz etdik. “Zalsburq”un baş mәşqçisi yeni gәlib. İndi daha dinamik oynayırlar. Elçin Rәhmanov Avstriyaya getmişdi. O, rәqibin oyununu izlәyib. Onun fikirlәri bizә kömәk edәcәk. Bәzi futbolçular haqqında o bizә әlavә mәlumatlar verdi. İndiki “Qarabağ” daha güclüdür. Çünki artıq daha çox Avropa tәcrübəsinә malik bir komandayıq. “Zalsburq”u bir vaxtların “Borussiya”sı ilә müqayisә etmәk olar. Onların heyәtindә gәnc futbolçular var ki, gәlәcәkdә Avropanın diqqәt mәrkәzindә olacaqlar. Bukmeker kontorları rәqibә daha çox şans versә dә, biz bununla maraqlanmırıq”.