Ötən gün Türkiyə Superliqasında II tura start verilib. Apasport.az saytının məlumatına görə, açılış oyun günündə 4 qarşılaşma keçirilib.

 Bu görüşlərin ikisində qalib müəyyənləşməyib. Digər iki matçın birində qonaqlar, birində isə meydan sahibləri 3 xala sevinib.

Belə ki, “Bursaspor” səfərdə “Gənclərbirliyi”ni 1:2, “Konyaspor” evdə “Balıkəsirspor”u 2:0 hesabı ilə üstələyib. “Karabükspor” “Başakşəhər”in, lider “Qalatasaray” isə “Əskişəhərspor”un müqavimətini qıra bilməyib – 0:0.

Bu gün isə “Kasımpaşa” - “Mersin İdman Yurdu” və ”Qaziantepspor” – “Ərciyəsspor” oyunlarında xallar yarıya bölünüb. Hər iki görüş 2:2 hesablı heç-heçə ilə başa çatıb.

Turun mərkəzi matçı “Trabzonspor”la “Fənərbaxça” arasında reallaşıb. Maraqlı keçən oyunda da qalib müəyyənləşməyib – 0:0 

Digər İstanbul nəhəngi "Beşiktaş" da xal itkisi ilə üzləşib. "Rizəspor"u qonaq edən "qara qartallar" məğlub olduğu görüşdə 81-ci dəqiqədə Şahanın qolu ilə məğlubiyyətdən xilas olub.

Qeyd edək ki, tura sabah keçiriləcək iki qarşılaşma ilə yekun vurulacaq.

Türkiyə Superliqası

II tur

13 sentyabr

“Gənclərbirliyi” – “Bursaspor” – 1:2

Qollar: Stanku, 19 - V.Sen, 54, Belluşi, 69

“Karabükspor” – “Başakşəhər” – 0:0

“Qalatasaray” – “Əskişəhərspor” – 0:0

“Konyaspor” – “Balıkəsirspor” – 2:0

Qollar: Torje, 29, Yıldız, 49-avtoqol

14 sentyabr

”Kasımpaşa” – “Mersin İdman Yurdu”- 2:2

Qollar: Malki, 62, Büyük, 82 - Tita, 34, 45

”Qaziantepspor” – “Ərciyəsspor” - 2:2

Qollar: Çağlayan, 75, Çiko, 81 - Zoua, 7; 38

”Trabzonspor” – “Fənərbaxça” - 0:0

15 sentyabr

“Akhisar B” – “Sivasspor” - 2:2

Qollar: Gekas, 9, 90+3 - Çaheçahe, 59, 90

”Beşiktaş” – “Rizəspor” - 1:1

Qollar: Şahan, 81 - Qorxmaz, 49