İtaliya A seriyasında VII tura yekun vurulub. Apasport.az saytının məlumatına görə, turun son günündə “Cenoa” “Empoli”ni sınağa çəkib.

Hərəyə 1 qol vuran komandalar bir xalla kifayətlənib. Qonaqlar 4-cü dəfə heç-heçə edib. “Cenoa” isə xal hesabında “Qarabağ”ın Avroliqadakı rəqibi “İnter”ə çatıb.

Xatırladaq ki, turun ilk iki günündə 9 qarşılaşma baş tutmuşdu. Açılış günündə “Roma” “Kyevo” qarşılaşıb. Matçda “canavarlar” qonaqları “parçalayıblar” – 3:0.

Son illərin dəyişməz çempionu, lider “Yuventus” səfərdə “Sassuolo” ilə üz-üzə gəlib. Bu qarşılaşmada qalib müəyyənləşməyib. İlk hissədə hərəyə 1 qol vuran komandalar meydanda sülh bağlayıb.

Avropa Liqasının qrup mərhələsində “Qarabağ”ın rəqibi “İnter” isə evdə “Napoli” ilə məhsuldar heç-heçə edib – 2:2.

İtaliya A seriyası

VII tur

18 oktyabr

“Roma “- “Kyevo” - 3:0

Qollar: Destro, 4, Lyayiç, 25, Totti, 33-pen

“Sassuolo” – Yuventus” - 1:1

Qollar: Zaza, 13 - Poqba, 19

19 oktyabr

“Fiorentina” – “Latsio” - 0:2

Qollar: Corcoviç, 35, Luliç, 90+2

“Atalanta” – “Parma” - 1:0

Qol: Boakye, 90

“Kalyari” – “Sampdoriya” - 2:2

Qollar: Avelar, 59-pen, Sau, 77 - Qabbiadini, 28, Obianq, 39

“Verona” – “Milan” - 1:3

Qollar: Lopes, 87 - Markes, 21-avtoqol, Honda, 27; 56

“Palermo” – “Çezena” - 2:1

Qollar: Qonzales, 90+2, Dybala, 33 - Rodriqes, 61-pen

“Torino” – “Udineze” - 1:0

Qol: Quaqliarella, 62

“İnter” – “Napoli” - 2:2

Qollar: Quarin, 82, Hernanes, 90+2 - Kallehon, 79; 90

20 oktyabr

“Cenoa – Empoli” – 1:1

Qollar: Bertolaççi, 14 – Tonelli, 78