"Xəzər Lənkəran"ın futbolçusu Sadio Tounkara Topaz Premyer Liqasının XIII turu çərçivəsində “Neftçi” ilə keçirlən oyunda yubiley matçına çıxıb. Apasport.az saytının məlumatına görə, malili yarımmüdafiəçi cənub klubunun heyətində karyerasında 100-cü oyununu keçirib.
Lakin Tounkara yubiley qarşılaşmasında yalnız 45 dəqiqə mübarizə apara bilib.
Belə ki, “Dalğa Arena”da baş tutan və 2:2 hesabı ilə yekunlaşan matçda Sadio qırmızı vərəqə alaraq, meydandan qovulub.
Qeyd edək ki, “yaşıllar”a 2012-ci ilin əvvəlində transfer olunan afrikalı futbolçu ilk dəfə 2011/12 mövsümündə AZAL-la görüşdə forma geyinib. “Təyyarəçilər”lə oyunun 68-ci dəqiqəsində meydana daxil olan Tounkara 3 ilə yaxın müddətdə 82 çempionat, 10 kubok, 7 Avroliqa və 1 Superkubok görüşünün iştirakçısı olub.