Bu gün Çempionlar Liqasının 1/8 final mərhələsinin püşkatma mərasimi keçirilib. Apasport.az saytının məlumatına görə, qrup mərhələsində ilk iki yeri tutan komandalar İsveçrənin Nyon şəhərində keçirilən tədbirdə 8 cütlük təşkil edib.
Eyni qrupda yer alanlar və eyni ölkə təmsilçilərinin qarşılaşa bilmədiyi 1/8 final mərhələsinin qarşılaşmaları 2015-ci ildə keçiriləcək. 4 həftə davam edəcək mərhələnin görüşləri 8 oyun günündə baş tutacaq.
Belə ki, 1/8 finalın ilk oyunları fevralın 17-18-də və 24-25-də, cavab matçları martın 10-11 və 17-18-də keçiriləcək.
1/8 final
PSJ (Fransa) - “Çelsi” (İngiltərə)
“Mançester Siti” (İngiltərə) - “Barselona” (İspaniya)
“Bayer” (Almaniya) - “Atletiko” (İspaniya)
“Yuventus” (İtaliya) - “Borussiya” (D. Almaniya)
“Şalke” (Almaniya) - “Real” (İspaniya)
“Şaxtyor” (Ukrayna) - “Bavariya” (Almaniya)
“Arsenal” (İngiltərə) - “Monako” (Fransa)
“Bazel” (İsveçrə) - “Porto” (Portuqaliya)