“Bakı”nın 2014/15 mövsümünün ilk yarısını sonuncu yerdə başa vuracağı rəsmiləşib. Apasport.az saytının məlumatına görə, Topaz Premyer Liqasının XVII turunda AZAL-a məğlub olan paytaxtın eyniadlı təmsilçisinin qış fasiləsinə indiki mövqeyində yollanacağı dəqiqləşib.
Belə ki, 1:3 hesablı yenilgidən sonra xal hesabı 10-da qalan bakılılar 2014-cü ilin son turunda qalib gəlsə, elə sonuncu – 9-cu pillədə qalacaq. Çünki 8-ci pillədə qərarlaşan “Sumqayıt” artıq 14 xala malikdi.
“Zolaqlılar” üçün 8-ci yer əlçatmaz olduğundan 2014-cü illə autsayder kimi vidalaşacaq.
Qeyd edək ki, ilin son turunda “Bakı” səfərdə “Simurq”la görüşəcək.