“Üzərimizdə nə qədər böyük məsuliyyətin olduğunu bilirik. Çünki AVRO-2020-də oynamaq üçün uzun müddət mübarizə aparırıq”.

Apasport.az saytının məlumatına görə bunu Macarıstan millisinin futbolçusu Adam Nad deyib.

O, AVRO-2020-nin seçmə mərhələsinin son turu barədə fikirlərini açıqlayıb. A.Nad Uelslə qarşılaşmada qələbə üçün oynayacaqlarını, heç-heçə edərək Slovakiyanın Azərbaycanla matçdakı xal itkisinə ümid bağlamayacaqlarını bildirib: “Seçmə mərhələdən şansı qaçırıb, pley-offda oynamaq barədə düşünmürük. Amma başa düşürük ki, Kardiffdə 70 min azarkeş önündə oynamaq çətindir. Buna baxmayaraq, görüşə tam hazırıq. Bizim üçün Slovakiya – Azərbaycan qarşılaşmasının nəticəsi də vacib deyil. Çünki taleyimiz öz əlimizdədir”.

Qeyd edək ki, Macarıstan final mərhələsinə vəsiqə qazanmaq üçün Uelsdə qalib gəlməlidir. A.Nad və komanda yoldaşları səfərdə 1 xal qazansalar, Slovakiyanın Azərbaycanla matçda qalib gəlməməsinə ümid etməlidirlər.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"