Bakı. Mehman Süleymanov - “APA-Sport”. Azərbaycan Milli Karate Federasiyası üçün xüsusi mərkəz tikiləcək. “APA-Sport” agentliyinin məlumatına görə, Azərbaycanda səfərdə olan Ümumdünya və Avropa Karate Federasiyasının prezidenti Antonio Espinos ölkə və Milli Olimpiya Komitəsinin (MOK) prezidenti İlham Əliyevlə görüşündə bununla bağlı razılıq əldə olunduğunu deyib. A. Espinos növbəti səfərində bu istiqamətdə ilk addım atılacağını bildirib: “Azərbaycanda bir sıra yeni idman kompleksləri, idman qurğuları tikildiyi halda, karate mərkəzi yoxdur. Mən prezident İlham Əliyevlə görüşümdə bu məsələyə toxundum. Təklifi yüksək qiymətləndirən prezident Milli Karate Federasiyası üçün tezliklə xüsusi mərkəzin tikiləcəyini bildirdi. O, məni mərkəzin təməlqoyma mərasiminə də dəvət etdi. Ümidvaram ki, bu, yaxın vaxtlarda reallaşacaq və Azərbaycana üçüncü səfərim zamanı mərkəzin təməl daşını qoyacağam”.

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək