“Real Madrid” geridönüşlə qalib gəldi, “Barselona”ya çatdı
22.11.2026 - 05:43
“Real Madrid” geridönüşlə qalib gəldi, “Barselona”ya çatdı

İspaniya La Liqasında XIII turun növbəti oyunları keçirilib.

Apasport.az xəbər verir ki, “Real Madrid” doğma meydanda “Selta”nı 2:1 hesabı ilə məğlub edib.

Madrid təmsilçisi hesabda geri düşsə də, ikinci hissədə Cud Bellinqem və Karlos Espinin qolları ilə geridönüş etməyi bacarıb. Qonaqların yeganə qolunu Pablo Duran vurub. “Real Madrid”in hücumçusu Kilian Mbappe isə penaltidən yararlana bilməyib.

Bu qələbədən sonra “Real Madrid” xallarının sayını 33-ə çatdırıb. Komanda turnir cədvəlində ikinci pillədə qərarlaşıb. Madridlilər lider “Barselona” ilə xal fərqini aradan qaldırsalar da, Kataloniya təmsilçisindən bir oyun çox keçiriblər.

Günün digər qarşılaşmalarında “Alaves” “Deportivo”nu 3:1, “Valensiya” isə səfərdə “Rayo Valyekano”nu 1:0 hesabı ilə məğlub edib. “Sevilya” – “Betis” derbisi 1:1 hesablı heç-heçə ilə yekunlaşıb.

La Liqa, XIII tur

21 noyabr

“Alaves” – “Deportivo” 3:1

“Rayo Valyekano” – “Valensiya” 0:1

“Sevilya” – “Betis” 1:1

“Real Madrid” – “Selta” 2:1