Onun sözlərinə görə, məşhur idman şərhçisi Kote Maxaradzenin xatirəsinə həsr olunan yarışda 4 komanda mübarizə aparıb. “NTD Servis Devon” ilk oyunda Tiflisin yığma komandasına 56:89 hesabı ilə məğlub olub. Üçüncülük uğrunda görüşdə isə basketbolçularımız İsrailin “Hapoel” klubuna 85:82 hesabı ilə qalib gələrək turnirin bürünc medalını qazanıb. Birinci yeri Ukraynanın “Burevestnik” klubunu 86:77 hesabı ilə məğlub edən Tiflis yığması tutub.