Bakı. Aqşin Əliyev-APA-Sport. Azərbaycanın yeniyetmə cüdoçuları Türkiyənin İstanbul şəhərində təşkil olunan sayca 15-ci “Mərmərə” beynəlxalq turnirində iştirak ediblər. Cüdo Federasiyasının mətbuat xidmətindən “APA-Sport” agentliyinə verilən məlumata görə, tatami üzərinə çıxan 18 idmançımızdan 10-u fəxri kürsüyə yüksəlib. Belə ki, oğlanların yarışında Ceyhun Rufullayev (50 kq), Nurlan Əliyev (60 kq) qızıl, Aqil Mustafayev (50 kq), İsmayıl Piriyev (55 kq), Orxan Hacıağalı (66 kq), Nəsib Əmrəxov (73 kq) gümüş, Kazım Babayev (50 kq), Dilqəm Əliyev (55 kq), Tural Hakimli (81 kq) isə bürünc medala layiq görülüblər. Qızlardan isə yalnız Xanım Hüseynova fərqlənib. 63 kq çəki dərəcəsində mübarizə aparan xanım cüdoçumuz 3-ü yeri tutub. Rəşad Məmmədovla Rəşad Həsənovun rəhbərlik etdiyi kollektiv bu həftə sonu Rusiyanın Sankt-Peterburq şəhərində keçiriləcək beynəlxalq turnirə yollanacaq.

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək