Bakı. Aqşin Əliyev-APA-Sport. 21 yaşadək futzalçılardan ibarət Azərbaycan yığması Avropa çempionatının seçmə mərhələsinə hazırlıq məqsədilə sabah yoldaşlıq görüşü çərçivəsində Gürcüstanla qüvvəsini sınayacaq. “APA-Sport” agentliyinin məlumatına görə, Bakı İdman Sarayında keçiriləcək oyun saat 15:00-da başlanacaq. Baş məşqçi Hacıbala Abdullayev gürcüstanlılarla qarşılaşmada 14 futzalçının xidmətindən yararlanacaq. Tərəflər martın 28-də eyni saatda və eyni məkanda yenidən üz-üzə gələcəklər. Yoldaşlıq görüşləri keçirmək təşəbbüsünü AFFA rəhbərliyi irəli sürüb.
Qeyd edək ki, apreldə ilk dəfə Avropa çempionatının seçmə mərhələsində yarışacaq yığmamız 4-cü qrupda Hollandiya, İrlandiya və Andorra ilə qarşılaşacaq.

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək