Bakı. Kənan Həsənov-APA-Sport. Aprelin 26-da Türkiyənin İstanbul şəhərində qılıncoynatmanın sablya növü Avropa təsnifat turniri start götürəcək. “APA-Sport” agentliyinin Qılıncoynatma Federasiyasının vitse-prezidenti Yaşar Məmmədova istinadən verdiyi məlumata görə, sonuncu lisenziya xarakterli yarışda ölkəmizi cəmi bir idmançı təmsil edəcək. İstanbula dünya reytinq sıralamasında 111-ci pillədə qərarlaşan Səbinə Əmrahzadə ezam ediləcək. Turnirdə həmyerlimizlə yanaşı, İtaliya, Almaniya, İngiltərə, Rumıniya, Macarıstan, İspaniya, İslandiya və Yunanıstan təmsilçiləri mübarizə aparacaqlar. Reqlamentə əsasən, finala yüksələn sablyaçılar Pekin Yay Olimpiya Oyunlarına vəsiqə qazanacaqlar.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb