Bakı. Aqşin Əliyev-APA-Sport. XXIX Yay Olimpiya Oyunlarının məşəli bu gün yarışın keçiriləcəyi Çinin paytaxtı Pekinə gətirilib. “APA-Sport” agentliyinin məlumatına görə, bununla bağlı Tyanyanmen meydanında təntənəli mərasim təşkil olunub. Yunanıstanın paytaxtı Afinadan çarter reysi ilə Pekinə çatdırılan məşəli Çinin dövlət başçısı Xu Tzintao qəbul edib. Daha sonra ölkə rəhbəri məşəli çinli olimpiya çempionu Lu Syana verib. Bununla da, olimpiadanın əsas simvollarından sayılan məşəl dünya turnesinə başlayıb. Növbəti 33 gündə məşəl 5 müxtəlif qitədə yerləşən 22 şəhərə aparılacaq. 985 qram ağırlığında, 72 sm hündürlüyündə, qırmızı-gümüşü rəngdə olan məşəl mayın 4-də yenidən Çinə qaytarılacaq. Çinin 113 şəhərində gəzdiriləcək məşəl nəhayət, avqustun 6-da Pekinə gətiriləcək. Bundan iki gün sonra isə Yay Olimpiya Oyunlarına start veriləcək.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb