Bakı. Aqşin Əliyev-APA-Sport. Aprelin 10-da Çinin paytaxtı Pekində stend və güllə atıcılığı üzrə Dünya Kuboku start götürəcək. “APA-Sport” agentliyinin məlumatına görə, yarışda Azərbaycan idmançıları da mübarizə aparacaqlar. Turnirdə stend atıcılarımızdan Sidney Yay Olimpiya Oyunlarının qalibi Zemfira Meftahəddinova və Emin Cəfərov qüvvəsini sınayacaq. Bundan başqa, aprelin 20-dək davam edəcək yarışa güllə atıcılarımızdan Afina olimpiadasının bürünc mükafatçısı İradə Aşumova, gənclər arasında Avropa çempionatının gümüş medalçısı Nigar Bağırova və Ruslan Lunyov qatılacaq. Həmyerlilərimiz aprelin 7-də səfərə çıxacaqlar.
Qeyd edək ki, Z.Meftahəddinova ilə İ.Aşumovaya Dünya Kuboku çərçivəsində keçiriləcək Beynəlxalq Atıcılıq İdmanı Federasiyasının Baş Assambleyasında Pekin olimpiadasına yollanmaq üçün dəvətnamə və ya güzəştli kart verilə bilər.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb