Bakı. Elşən Məmmədov-APA-Sport. Aprelin 17-də Kikboksinq və Muay-Tay Federasiyasının (AKMF) növbədənkənar konfransı keçiriləcək. Bu haqda «APA-Sport» agentliyinə AKMF-nin vitse-prezidenti Oqtay Mehdiyev məlumat verib. Onun sözlərinə görə, toplantı Bakı İdman Sarayında təşkil olunacaq. İclasda növbəti beş il müddətinə federasiya prezidenti və İdarə Heyəti seçiləcək. Həmçinin AKMF-nin nizamnaməsində dəyişikliklərin edilməsi, muay-tay növünün inkişafı istiqamətində bir sıra qərarların qəbulu və digər məsələlərin müzakirəsi nəzərdə tutulub.
Qeyd edək ki, AKMF-ə 2001-ci ildən millət vəkili Adil Əliyev rəhbərlik edir.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib