Bakı. Aqşin Əliyev-APA-Sport. Azərbaycanlı futzal hakimi Azər Məmmədov dünya çempionatının pley-off mərhələsi çərçivəsində Belarus və Rusiya yığmaları arasında keçirilən oyunu idarə edib. “APA-Sport” agentliyinin məlumatına görə, həmyerlimiz Minskdə baş tutan görüşün üçüncü hakimi olub. A.Məmmədov bu qarşılaşmada 6 qolun şahidinə çevrilib. Rusiya ilk 10 dəqiqədə 5 qol vuraraq, inamlı qələbə qazanıb. Meydan sahibləri buraxılan qollardan yalnız birinin əvəzini çıxa bilib. Dünya çempionatının pley-off mərhələsinin cavab matçlarında azərbaycanlı hakimlərin təyinat alıb-almayacağı yaxın günlərdə bilinəcək.
Qeyd edək ki, bir neçə il öncə FİFA referisi dərəcəsinə layiq görülən A.Məmmədov milli futbol çempionatında yan xətt hakimi funksiyasını yerinə yetirir.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib