Rostov. Elşən Məmmədov-APA-Sport. Azərbaycanın yunan-Roma güləşi üzrə yeniyetmələrdən ibarət milli komandası Rusiyanın Rostov şəhərinə yollanacaq. “APA-Sport” agentliyinin məlumatına görə, pəhləvanlarımız aprelin 25-də start götürəcək Samurqaşev qardaşlarının mükafatı uğrunda beynəlxalq turnirdə mübarizə aparacaqlar. Üç gün davam edəcək yarışda ölkəmizi 7 idmançı – Tural Həsənzadə (42 kq), Elvin Həsənov (50 kq), Orxan Qəmbərov, Hüseynqulu Gülümcanov (hər ikisi 54 kq), Rəşad Hüseynzadə (58 kq), Toğrul Yunuslu və İsmayıl İsmayılov (hər ikisi 63 kq) təmsil edəcək.