Bakı. Aqşin Əliyev - APA-Sport. Azərbaycanın stend atıcısı Zemfira Meftahəddinova Çinin paytaxtı Pekində təşkil olunan Dünya Kubokunda çıxış edib. “APA-Sport” agentliyinin məlumatına görə, Sidney Yay Olimpiya Oyunlarının qalibi yarışda uğursuzluğa düçar olub. O, təsnifat mərhələsində 75 mümkün xaldan 62-sini toplayaraq, mübarizəni erkən dayandırıb. Yekunda Z.Meftahəddinova 44 idmançı arasında 25-ci olub. Həmçinin, güllə atıcısı İradə Aşumova da Pekində zəif nəticə göstərib. Afina olimpiadasının bürünc medalçısı 10 metrlik məsafədən pnevmatik tapança ilə atəş açmada 35-ci, 25 metrlik məsafədən kiçikçaplı tapança ilə atəş açmada isə 36-cı yeri tutub.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib