Bakı. Aqşin Əliyev - APA-Sport. Azərbaycanın gənc qız və oğlanlardan ibarət universal döyüş üzrə milli komandası Rusiyanın Medin şəhərinə yollanıb. Bu haqda “APA-Sport” agentliyinə Azərbaycan Gənclər və İdman Nazirliyinin mətbuat xidmətindən məlumat verilib. Səfərdə məqsəd sabah start götürəcək dünya çempionatında iştirak etməkdir. Yarışda milli komandanın baş məşqçisi Fərhad Ocaqverdiyevin rəhbərliyi altında 20 idmançımız öz bacarığını nümayiş etdirəcək. Çempionata aprelin 20-də yekun vurulacaq.