Azərbaycan güləşçiləri İstanbulda beynəlxalq turnirdə qüvvələrini sınayacaqlar
17.04.2008 - 18:17
Azərbaycan güləşçiləri İstanbulda beynəlxalq turnirdə qüvvələrini sınayacaqlar
İstanbul. Elşən Məmmədov-APA-Sport. Azərbaycanın yunan-Roma güləşi üzrə gənclərdən ibarət yığma komandası Türkiyənin İstanbul şəhərinə yollanacaq. Bu haqda “APA-Sport” agentliyinə millimizin baş məşqçisi Ağalar Aslanov məlumat verib. Onun sözlərinə görə, komandamız mayın 9-da start götürəcək beynəlxalq turnirə qatılacaq: “Əslində, biz 24-27 apreldə Almaniyanın Frankfurt şəhərində beynəlxalq turnirdə qüvvəmizi sınamalı idik. Lakin Almaniya Güləş Federasiyası faks göndərərək, yarışın baş tutmayacağını bildirdi. Bu səbəbdən başqa turnirdə çıxış etməyi qərara aldıq”.
0