Bakı. Kənan Həsənov - APA-Sport. Azərbaycanın bədii gimnastları sabah Portuqaliyanın Portimau şəhərində start götürəcək dünya kubokunun növbəti mərhələ yarışında iştirak edəcəklər. “APA-Sport” agentliyinin Gimnastika Federasiyasının mətbuat katibliyinə istinadən verdiyi məlumata görə, bu nüfuzlu yarışda ölkəmizi Aliyə Qarayeva, Dinarə Gimatova və Zeynəb Cavadlı təmsil edəcək. Yarışın mükafatları uğrunda, həmçinin, Vəfa Hüseynova, Anna Bitiyeva, Valeriya Yeqay, Alina Tryopina və Anastasiya Prosolovadan ibarət qrup hərəkətləri üzrə milli komandamız mübarizə aparacaq. Dünya kuboku çərçivəsində yeniyetmələr arasında təşkil olunacaq beynəlxalq turnirdə isə Samirə Mustafayeva və Səbinə Abbasovanın çıxışı nəzərdə tutulub.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO