İstanbul. Elşən Məmmədov - APA-Sport. Avropa Stolüstü Tennis İttifaqı (ETTU) qitə ölkələrinin milli komandalarının baş məşqçiləri üçün ilk dəfə seminar təşkil edəcək. Türkiyənin İstanbul şəhərində keçiriləcək seminara Azərbaycan millisinin çalışdırıcısı Aleksandr Zudov da dəvət alıb. Bu haqda “APA-Sport” agentliyinə məlumat verən A.Zudovun sözlərinə görə, tədbir iyunun 14-də başlanacaq. İki gün davam edəcək seminara Mario Amiziç, Mişel Qadal, Polona Susin Senovin və Radivoy Hudetsdən ibarət ETTU-nun işçi qrupu rəhbərlik edəcək.