Bakı. Elbrus Seyfullayev - APA. Azərbaycan prezidenti İlham Əliyev bu gün Kalmıkiya Respublikasının prezidenti, FİDE-nin prezidenti Kirsan İlumjinovu qəbul edib. Prezidentin mətbuat xidmətindən APA-ya daxil olan məlumata görə, görüşdə ümummilli lider Heydər Əliyevin anadan olmasının 85-ci ildönümünə həsr olunmuş 2008-2009-cu illərin birinci “Qran-pri” şahmat turnirinin Azərbaycanda keçirilməsinin əhəmiyyəti vurğulanıb, bu tədbirin Azərbaycanda şahmatın daha da inkişaf etdirilməsinə öz töhfəsini verəcəyinə əminlik ifadə olunub.