Bakı. Aqşin Əliyev - APA-Sport. Mərhum prezident Heydər Əliyevin anadan olmasının 85 illiyi münasibətilə Bakıda kişi və qadınlar arasında universal döyüş üzrə beynəlxalq turnir keçiriləcək. Bu barədə “APA-Sport” agentliyinə Azərbaycan universal döyüş yığmasının baş məşqçisi Fərhad Ocaqverdiyev məlumat verib. Onun sözlərinə görə, mayın 2-də start götürəcək yarışda 9 ölkənin iştirakı dəqiqləşib. Turnirə Azərbaycanla yanaşı, Türkiyə, İran, Gürcüstan, Rusiya, Bolqarıstan, Ukrayna, Rumıniya və Özbəkistan idmançıları qatılacaqlar. Bundan başqa, Litva və Estoniya milli komandalarının rəhbərlikləri paytaxtımıza gələcəkləri ilə bağlı ilkin razılıqlarını veriblər. “ABU-Arena” İdman Kompleksində təşkil olunan yarış üç gün davam edəcək.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib