Bakı. Elşən Məmmədov-APA-Sport. Azərbaycanın sərbəst güləş üzrə mili komandası Rusiyanın Mahaçqala şəhərinə təlim-məşq toplantısına yollanacaq. Bu haqda “APA-Sport” agentliyinə Güləş Federasiyasında milli komandaların rəisi Yaqub Məmmədov məlumat verib. Onun sözlərinə görə, aprelin 25-də başlanacaq toplanışa 15 pəhləvan cəlb ediləcək. Onlar artıq 2008-ci il Pekin Yay Olimpiya Oyunlarına lisenziyanı təmin etmiş 6 güləşçi və yığmaya namizədlər olacaq. Pəhləvanlarımız 2-5 iyunda Sankt-Peterburqda keçiriləcək Rusiya çempionatına hazırlaşan dağıstanlı güləşçilərlə birgə məşqlərdə iştirak edəcəklər. Toplanışın yekununda yığmamızın baş məşqçisi Maqomedxan Aratsilov güləşçilərimizi 9 - 11 mayda Mahaçqalada keçiriləcək beynəlxalq turnirdə sınaqdan çıxaracaq.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib