Quba. Elşən Məmmədov-APA-Sport. Quba Olimpiya Kompleksində mərhum prezident Heydər Əliyevin 85-ci illiyi münasibətilə su polosu üzrə beynəlxalq turnirin startı verilib. Milli komandanın baş məşqçisi Azər Babayevin “APA-Sport” agentliyinə verdiyi məlumata görə, yarışda Bakının Hərbi Dəniz Qüvvələri İdman Klubu (HDQİK), Mərkəzi Ordu İdman Klubu (MOİK), Dövlət Bədən Tərbiyəsi və İdman Akademiyasının (DBTİA) komandaları ilə yanaşı, Gürcüstan yığması da mübarizə aparır. İlk iki turda HDQİK və MOİK daha yaxşı nəticə göstərib. HDQİK Gürcüstan yığmasını 17:8, DBTİA-nı 10:6 hesabı ilə məğlub edib. MOİK isə əvvəlcə DBTİA-ya 14:8, sonra Gürcüstan millisinə 14:11 hesabı ilə qalib gəlib. Sabah HDQİK MOİK-lə, DBTİA isə Gürcüstan yığması ilə qarşılaşacaq.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub