Bakı. Aqşin Əliyev - APA-Sport. Mayın 24-25-də Bakı İdman Sarayında keçiriləcək açıq Azərbaycan çempionatında ölkəmizin ən güclü taekvondoçuları iştirak etməyəcəklər. Bu haqda “APA-Sport” agentliyinə milli komandanın baş məşqçisi Ələkbər İmaməliyev məlumat verib. Onun sözlərinə görə, dünya çempionu Niyaməddin Paşayev və Avropa çempionu İlkin Şahbazov zədə ucbatından qarşıdakı yarışı buraxacaqlar: “Niyaməddinlə İlkin sonuncu Avropa çempionatında diz nahiyələrindən zədələnmişdi. Onlar müayinədən keçiblər və ola bilsin ki, müalicə olunmaq üçün bu yaxınlarda Türkiyəyə yollanacaqlar”. Bundan başqa, Pekin Yay Olimpiya Oyunlarına lisenziya qazanmış yeganə taekvondoçumuz Rəşad Əhmədov da açıq Azərbaycan çempionatında döyüşməyəcək. Ə.İmaməliyev bildirib ki, 27 yaşlı idmançını potensial zədədən qorumaq məqsədilə ona istirahət veriləcək. Baş məşqçi çempionatda ölkəmizin 4 və ya 5 komanda ilə təmsil olunacağını da söyləyib.

• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib
• Fərid Qayıbov: “Yarışın əsas məqsədi idmanın kütləviliyinə nail olmaqdır”
• "Üzgüçülük hamı üçün" turnirinin açılış mərasimi keçirilib
• ACES Europe prezidenti: “Bakı dünyanın ən vacib şəhərlərindən biridir”