Bakı. Elşən Məmmədov-APA-Sport. Azərbaycanın sərbəst güləş üzrə gənclərdən ibarət yığma komandasının mayın 22-də İranın Arak şəhərində start götürəcək beynəlxalq turnirə yollanacaq heyəti müəyyənləşib. Bu haqda «APA-Sport» agentliyinə millimizin baş məşqçisi Arif Abdullayev məlumat verib. Onun sözlərinə görə, iki gün davam edəcək turnirdə ölkəmiz 8 mümkün çəki dərəcəsindən 7-də 10 pəhləvanla təmsil olunacaq. Yarışın ilk günündə döşək üzərinə Xanlar Şirəliyev (50 kq), Ramil Ələkbərov, Ağəli Ramazanov, Etimad Qurbanov (hər üçü 60 kq), Pərviz Məmmədov (74 kq) və Səbuhi Məmmədov (96 kq) çıxacaqlar. Ertəsi gün isə mübarizəyə Yaşar Əliyev, Məhəmmədəli Binnətov (hər ikisi 55 kq), Cəbrayıl Həsənov (66 kq) və Raman Bəkirov (84 kq) qoşulacaq.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub