Bakı. Kənan Həsənov-APA-Sport. Bakıda mərhum prezident Heydər Əliyevin xatirəsinə həsr olunan “Prezident kuboku” beynəlxalq şahmat festivalı davam edir. “APA-Sport” agentliyinin məlumatına görə, festivalın nüfuzlu açıq birinciliyində turnir cədvəlinə yeddi oyundan 6,5 xal toplayan rusiyalı Yevgeni Nayer başçılıq edir. Liderin ən yaxın izləyiciləri sırasında Azərbaycan şahmatçıları Fərid Abbasovla Sərxan Quliyev (hər ikisi 6 xal) də yer alıblar. Fəxri kürsüyə yüksəlmək şansını hərəyə 6 xal toplayan Qədir Hüseynovla Rauf Məmmədov da saxlayır. Paralel olaraq təşkil edilən veteranlar və uşaqların birinciliyi isə başa çatıb. Bu yarışlarda müvafiq olaraq, Oleq Pavlenko (5 xal) və Zaur Məmmədov (8 xal) qalib gəliblər.
Qeyd edək ki, İsveçrə sistemi ilə keçirilən festivalın mükafat fondu 85000 ABŞ dolları həcmində müəyyənləşdirilib. Açıq turnirin qalibi 7000 dollar və kuboka sahib çıxacaq.

• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib