Bakı. Elşən Məmmədov-APA-Sport. 2008-ci il Yay Olimpiya Oyunlarına lisenziya qazanan Azərbaycan idmançılarından Pekinə ən tez Camal Rəhimov gedəcək. Bu haqda “APA-Sport” agentliyinə Gənclər və İdman Nazirliyinin idman şöbəsinin müdiri Mirkamil Rəhimov məlumat verib. Onun sözlərinə görə, atçılıq növündə Pekin Olimpiadasında ölkəmizi təmsil edəcək C.Rəhimov Çinin paytaxtına iyulun 5-də yollanacaq. Olimpiya Oyunlarının Təşkilat Komitəsi atların karantindən keçirilməsi üçün nüfuzlu yarışa bir ay qalmış Pekində olmasını məqsədəuyğun sayıb. C.Rəhimovun Olimpiadada sınaqdan çıxaracağı iki at hazırda Almaniyada saxlanılır. O, şəxsi məşqçisi və atları ilə birgə Almaniyadan birbaşa Çinə təyyarə ilə yola düşəcək. Qalan idmançılarımız isə Pekinə iyulun 30-da, avqustun 6-da və 16-da yollanacaqlar.

• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib
• AMADA nümayəndələri beynəlxalq vebinarda iştirak ediblər
• Azərbaycanın kamandan oxatma üzrə qadınlardan ibarət yığması Asiya Kubokunda qızıl medal qazanıb
• Süleyman İsmayılzadə və Məryəm Cavadova Dakar-2026-da Azərbaycanın bayraqdarları olacaq