Bakı. Aqşin Əliyev - APA-Sport. Almaniyanın Münhen şəhərində keçirilən güllə atıcılığı üzrə Dünya Kubokuna yekun vurulub. “APA-Sport” agentliyinin məlumatına görə, yarışda iştirak edən 4 idmançımızdan heç biri medal qazana bilməyib. Turnirin son günündə 10 metrlik məsafədən pnevmatik tapança ilə hədəfə atəş açan Nigar Bağırova da uğursuzluğa düçar olub. Gənclər arasında Avropa çempionatının gümüş mükafatçısı 380 xal toplayaraq, 30-cu yeri tutub. İlk “səkkizliy”ə düşə bilməyən N.Bağırova mübarizəni təsnifat mərhələsində dayandırıb. Öncə qüvvəsi sınayan Ruslan Lunyov, Şükürağa Eyvazov və Mehriban Məcidova da fəxri kürsüyə yüksəlməyi bacarmamışdılar. Güllə atıcılarımız mayın 24-də start götürəcək Dünya Kubokunun növbəti mərhələsinə qatılmaq üçün bu gün Münhendən İtaliyanın Milan şəhərinə yollanıblar.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”