Bakı. Aqşin Əliyev - APA-Sport. Stend atıcılığı üzrə Azərbaycan yığması İtaliyanın Lonato şəhərində təşkil olunan təlim-məşq toplanışını yekunlaşdırıb. “APA-Sport” agentliyinin məlumatına görə, iki həftəlik hazırlıq prosesini başa vuran idmançılarımız bu gün vətənə dönüblər. Təlim-məşq toplanışında Sidney Yay Olimpiya Oyunlarının qalibi Zemfira Meftahəddinova, eləcə də Regina Meftahəddinova, Emin Cəfərov, Nurlanə Cəfərova və Elvin İsmayılov iştirak edib. Qarşıdakı yarışlara hazırlıq xarakteri daşıyan məşqlərdə stend atıcıları baş məşqçi Hafiz Cəfərovun rəhbərliyi altında müxtəlif təmrinləri yerinə yetiriblər. Milli komandamızın üzvləri bir neçə gündən sonra növbəti səfərə yollanacaqlar. Belə ki, iyunun 2-də Almaniyanın Sühl şəhərində Dünya Kuboku start götürəcək. Bu turnirdə Pekin Olimpiadasına lisenziya qazanmış Zemfira Meftahəddinova və daha bir neçə idmançının iştirakı nəzərdə tutulub.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO