Bakı. Aqşin Əliyev - APA-Sport. Polşanın Şirk şəhərində yeniyetmə oğlan və qızlar arasında keçirilən beynəlxalq cüdo turniri başa çatıb. “APA-Sport” agentliyinin məlumatına görə, Azərbaycan yığmasının heyətində yarışda 17 idmançı qüvvəsini sınayıb. Rəşad Həsənovla Rəşad Məmmədovun rəhbərlik etdiyi milli komandanın 5 üzvü fəxri kürsüyə yüksəlib. Belə ki, Vüqar Şirinli (55 kq) bütün rəqiblərinə qalib gələrək, qızıl medala layiq görülüb. Əli Rzayev (50 kq), Fəqan Eminoğlu (60 kq) və Orxan Hacıağalı (66 kq) isə üçüncü yeri tutublar. Bundan başqa, xanım cüdoçumuz Elmira Mustafayeva (57 kq) yalnız finalda uduzaraq, gümüş medala sahib çıxıb. Yekunda 1 qızıl, 1 gümüş, 3 bürünc medal qazanan Azərbaycan komanda hesabında 4-cü pillədə qərarlaşıb. Turnirdən sonra həmyerlilərimiz üçgünlük beynəlxalq təlim-məşq toplanışına qatılıblar.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO