Bakı. Elşən Məmmədov - APA-Sport. Sərbəst güləş üzrə Azərbaycan milli komandasının üzvləri Novruz Temrezovla Xetaq Qazyumovun səhhətində problem yaranıb. Bu haqda “APA-Sport” agentliyinə yığmanın baş məşqçisi Maqomedxan Aratsilov məlumat verib. Onun sözlərinə görə, hər iki pəhləvan Bakıda keçirilən “Qızıl Qran-Pri” turnirinə qatılmayacaq. 84 kq çəkidə yarışan N.Temrezov məşq vaxtı çiynindən xəsarət alıb. X.Qazyumovun (96 kq) isə qan təzyiqi aşağı düşüb. M.Aratsilov bildirib ki, yığmamızın legionerləri yaxın vaxtlarda formaya düşəcəklər: “Həm Temrezov, həm də Qazyumovun Pekin Yay Olimpiya Oyunlarında iştiraklarına maneçilik törədəcək problem yoxdur”. M.Aratsilov, həmçinin 55 kq çəkidə Pekin Olimpiadasında yollanmağa iddialı Namiq Sevdimovla Olimpiya çempionu Namiq Abdullayevin “Qızıl Qran-Pri” turnirinin final mərhələsinə qatılacaqlarını açıqlayıb.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!