Bakı. Vüqar Xeyrullayev - APA-Sport. Sabah XIII Avropa çempionatının qalibi məlum olacaq. “APA-Sport” agentliyinin məlumatına görə, Avstriya və İsveçrədə təşkil edilən qitə birinciliyinin finalında Almaniya - İspaniya matçı keçiriləcək. Vyanadakı “Ernst Happel” stadionunda baş tutacaq həlledici qarşılaşmanı italiyalı Roberto Rozetti idarə edəcək. Onun yan xətdə köməkçiləri həmyerliləri Alessandro Qrizelli və Paolo Kalkanyo olacaq. Ehtiyat hakim funksiyasını Peter Freydfeld (İsveç) yerinə yetirəcək.
23 gün sürən çempionatın arxada qalan 30 görüşündən sonra turnirin yeni qalibinin olmayacağı bəlli olub. Belə ki, hamıdan çox - 3 dəfə Avropa çempionu olan Almaniya milli komandası 1972, 1980 və 1996-cı illərdə qazandığı uğuru təkrarlamağa çalışacaq. 12 ildən sonra yenidən finala yüksələn Yoahim Lövün yetirmələrinin rəqibi İspaniya isə 44 il öncə bu titulu qazanıb. 24 il əvvəl - 1984-cü ilin finalında Fransaya uduzan İspaniya 1964-cü ildə qazandığı uğuru təkrarlayacağı halda, titul sayında Fransaya çatacaq.
Qeyd edək ki, ümumilikdə 9 komanda qitə çempionu olub.

İndiyəqədərki bütün finallar:

1960. SSRİ - Yuqoslaviya - 2:1
1964. İspaniya - SSRİ - 2:1
1968. İtaliya - Yuqoslaviya - 1:1, 2:0
1972. AFR - SSRİ - 3:0
1976. Çexoslovakiya - AFR - 2:2, penaltilər - 5:3
1980. AFR - Belçika - 2:1
1984. Fransa - İspaniya - 2:0
1988. Hollandiya - SSRİ - 2:0
1992. Danimarka - Almaniya - 2:0
1996. Almaniya - Çexiya - 2:1
2000. Fransa - İtaliya - 2:1
2004. Yunanıstan - Portuqaliya - 1:0

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!