Bakı. Kənan Həsənov - APA-Sport. Almaniyanın Dortmund şəhərində təşkil olunan şahmat üzrə ənənəvi superturnirdə II turun oyunları başa çatıb. “APA-Sport” agentliyinin məlumatına görə, XVIII kateqoriyalı yarışda mübarizə aparan Azərbaycanın yeganə təmsilçisi Şəhriyar Məmmədyarov ardıcıl ikinci oyunda qələbə qazana bilməyib. 23 yaşlı beynəlxalq qrossmeysterimiz bu dəfə qara fiqurlarla Yan Nepomnyaşi (Rusiya) ilə heç-heçə edib. Hesabat turunda Yan Qustafsson (Almaniya) Arkadi Naydiçə (Almaniya), Vladimir Kramnik (Rusiya) Luk van Veliyə (Hollandiya), Peter Leko (Macarıstan) isə Vasili İvançuka (Ukrayna) qalib gəlib. İki turdan sonra 1 xalla 4-cü pillədə qərarlaşan Ş.Məmmədyarov növbəti görüşünü sabah Y.Qustafssona (1,5 xal) qarşı keçirəcək.
Qeyd edək ki, Ş.Məmmədyarov ötən il baş tutan analoji yarışda 3,5 xalla 5-ci olub.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!