Bakı. Aqşin Əliyev - APA-Sport. Bosniya və Herseqovinanın paytaxtı Sarayevoda yeniyetmə cüdoçular arasında keçiriləcək Avropa çempionatına qatılacaq Azərbaycan milli komandasının heyəti açıqlanıb. Azərbaycan Cüdo Federasiyasının mətbuat xidmətindən “APA-Sport” agentliyinə verilən məlumata görə, iyulun 4-də start götürəcək yarışda ölkəmizin şərəfini 11 cüdoçu qoruyacaq. Oğlanların turnirində Əli Rzayev (50 kq), Vüqar Şirinli (55 kq), Fəqan Eminoğlu (60 kq), Orxan Hacıağalı (66 kq), Məhəmməd Xuduzadə (73 kq), Hikmət Alışov (81 kq) və Əmirxan Marayev (+90 kq) çıxış edəcəklər. Xanım idmançılarımızdan isə Ülviyyə Vəliyeva (44 kq), Səbinə Allahverdiyeva (52 kq), Elmira Mustafayeva (57 kq) və Xanım Hüseynova (63 kq) qüvvələrini sınayacaqlar. Rəşad Məmmədovla Rəşad Həsənovun çalışdırdığı komanda bu gün Sarayevoya yollanıb. İyulun 6-dək davam edəcək Avropa çempionatında həmvətənimiz Valeh Məhərrəmov hakim funksiyasını yerinə yetirəcək.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!