Bakı. Kənan Həsənov - APA-Sport. Beynəlxalq Gimnastika Federasiyası (FİG) bədii gimnastika üzrə Rusiya milli komandasının baş məşqçisi İrina Vinerlə bağlı qərarını açıqlayıb. “APA-Sport” agentliyinin məlumatına görə, FİG rusiyalı mütəxəssisə xəbərdarlıq etməklə kifayətlənib. Beləliklə, Azərbaycan gimnastlarının da hazırlığına nəzarət edən İ.Viner mümkün cəzadan yayınıb. FİG-in Nizam-İntizam Komitəsi İ.Vinerlə bağlı araşdırmalara aprelin 22-də başlamışdı. O, beynəlxalq federasiyanın nümayəndələrinə və idmançılara qarşı aqressiv davranışda, həmçinin yarışların nəticəsini müxtəlif metodlarla dəyişməkdə ittiham olunurdu. Bu səbəbdən İ.Vinerin 8 il müddətinə diskvalifikasiya ediləcəyi gözlənilirdi.
Qeyd edək ki, bir müddət öncə eyni ittihamlarla Ukrayna yığmasının baş məşqçisi İrina Deryugina 8 il müddətinə cəzalandırılıb.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!