Bakı. Elşən Məmmədov – APA-Sport. “Hələ “Qızıl Qran-Pri” turnirinin final mərhələsindən öncə baş məşqçimiz Maqomedxan Aratsilov mənə demişdi ki, Namiq Abdullayevə qalib gəlsən, Pekin Olimpiadasına sən gedəcəksən. Allahın köməkliyilə, olimpiya çempionunu üstələməyi bacardım”. Bu sözləri “APA-Sport” agentliyinə açıqlamasında Azərbaycanın sərbəst güləş yığmasının üzvü Namiq Sevdimov deyib. 55 kq çəki dərəcəsində yarışan pəhləvan Bakıda keçirilmiş “Qızıl Qran-Pri” turnirinin finalında Namiq Abdullayevlə görüşün çətin alındığını bildirib: “Rəqibim güclü idi. Ona görə də əsas vaxtda qalib müəyyənləşmədi. Püşkdə isə mənim bəxtim gətirdi. Nəticədə qələbə qazanaraq, Pekinə yollanmağa layiq olduğumu sübuta yetirdim”. 25 yaşlı güləşçi N.Abdullayev üzərində qələbədən sonra yığmanın rəhbərliyi ilə görüşməsə də, 2008-ci il Pekin Yay Olimpiya Oyunlarına yollanacağına əmin olduğunu vurğulayıb.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!