Dauqavpils. Elşən Məmmədov - APA-Sport. Latviyanın Dauqavpils şəhərində keçirilən yeniyetmələr arasında sərbəst, yunan-Roma və qadın güləşi üzrə Avropa çempionatına yekun vurulub. “APA-Sport” agentliyinin məlumatına görə, Azərbaycanın yunan-Roma güləşi üzrə milli komandası qitə birinciliyində 3 qızıl və 3 bürünc medal qazanıb. Pəhləvanlarımızdan fəxri kürsünün ən yüksək pilləsinə Eldəniz Əzizli (46 kq), Qasım Məhəmmədov (54 kq) və Rəsul Cunayev (58 kq) qalxıblar. Sərxan Məmmədov (50 kq), Niyaməddin İbrahimov (69 kq) və Əsəd Əsədzadə (85 kq) isə bürünc medala sahib çıxıblar. Azərbaycan komanda hesabında Rusiyadan sonra 60 xalla ikinci yeri tutub.
Qeyd edək ki, 3 qızıl, 3 gümüş, 1 bürünc medala yiyələnən sərbəst güləş yığmamız da ümumi nəticədə ikinci olub. Qadınların turnirinə qatılan Laura Məmmədova (52 kq) isə elə ilk görüşdə məğlubiyyətlə üzləşərək, mübarizəni erkən dayandırıb.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!