Bakı. Aqşin Əliyev - APA-Sport. İyulun 6-da Kiprin paytaxtı Nikosiyada gənclər və böyüklər arasında stend atıcılığı üzrə Avropa çempionatı start götürəcək. Bu haqda “APA-Sport” agentliyinə məlumat verən Azərbaycan milli komandasının baş məşqçisi Hafiz Cəfərovun sözlərinə görə, turnirdə ölkəmizin şərəfini 5 idmançı qoruyacaq. Dairəvi (skeet) növdə kişilərin mübarizəsində Emin Cəfərov bacarığını nümayiş etdirəcək. Eyni növdə xanım stend atıcılarımızdan olimpiya çempionu Zemfira Meftahəddinova, onun qızı Regina Meftahəddinova və Nurlanə Cəfərova qüvvələrini sınayacaqlar. H.Cəfərov bildirib ki, qadınlardan ibarət yığmamızın komanda yarışında da iştirak edəcəyi istisna deyil: “Əgər Regina da böyüklərin turnirinə qatılsa, komanda yarışında iştirakımıza problem yaranmayacaq. Əks təqdirdə, təşkilatçılardan icazə almaq lazım gələcək”. Azərbaycan səngər (trap) növündə də təmsil olunacaq. Bu məqsədlə Nikosiyaya Elvin İsmayılov aparılacaq. Qitə birinciliyinə iyulun 14-də yekun vurulacaq.
Qeyd edək ki, Avropa çempionatı Zemfira Meftahəddinova üçün Pekin Olimpiadası öncəsi son sınaq xarakteri daşıyacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!