Bakı. Elşən Məmmədov – APA-Sport. İyulun 5-də Türkiyənin Kayseri şəhərinə yollanacaq Azərbaycanın sərbəst güləş üzrə milli komandasının heyəti açıqlanıb. Bu haqda “APA-Sport” agentliyinə yığmamızın baş məşqçisi Maqomedxan Aratsilov məlumat verib. Onun sözlərinə görə, qonşu ölkədə Türkiyə millisi ilə birgə keçiriləcək hazırlıq prosesinə 10 idmançı cəlb olunacaq. 2008-ci il Pekin Yay Olimpiya Oyunlarına lisenziya qazanmış Namiq Sevdimov (55 kq), Zəlimxan Hüseynov (60 kq), Emin Əzizov (66 kq), Çamsulvara Çamsulvarayev (74 kq), Novruz Temrezov (84 kq), Xetaq Qazyumov (96 kq) və Əli İsayevlə (120 kq) yanaşı, daha 3 güləşçi aparılacaq. Bakıda keçirilən «Qızıl Qran-Pri» turnirinin final mərhələsində N.Sevdimova uduzaraq, Pekin Olimpiadasına yollanma şanslarını xeyli azaldan Namiq Abdullayevlə yanaşı, dağıstanlı pəhləvanlar Şərif Şərifov (84 kq) və Camaləddin Məhəmmədov (96 kq) da sınaqçı-rəqib qismində məşqlərə qatılacaqlar. Yay Olimpiya Oyunlarına hazırlıq xarakteri daşıyacaq toplanış 13 gün davam edəcək.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!