Bakı. Elşən Məmmədov – APA-Sport. Azərbaycanın karate üzrə kişi və qadınlardan ibarət milli komandası iyulun 12-də Polşanın Vrotslav şəhərində start götürəcək universitetlərarası dünya çempionatında iştirak edəcək. Karate Federasiyasının mətbuat xidmətindən “APA-Sport” agentliyinə verilən məlumata görə, iki gün davam edəcək yarışda ölkəmizi şərəfini 7 kişi və 3 qadın idmançı qoruyacaq. Kişilərin mübarizəsində İsmayıl Quliyev (60 kq), Rəşad Hüseynov (65 kq), Vüqar Cabbarlı (70 kq), Şahin Atamov (75 kq), Amal Atayev (80 kq) və Səbuhi Hacıyev (+80 kq) kumitedə, Elçin Məmmədov katada çıxış edəcək. Qadınların yarışına gəlincə, Nərgiz Mehdiyeva (53 kq) və Gülnarə Musayeva (60 kq) kumite, Adilə Qurbanova katada qüvvəsini sınayacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!