Bakı. Aqşin Əliyev - APA-Sport. Almaniyanın Dortmund şəhərində keçirilən XXXVI beynəlxalq şahmat turniri başa çatmaq üzrədir. “APA-Sport” agentliyinin məlumatına görə, 8 qrossmeysterin mübarizə apardığı XVIII kateqoriyalı yarışın V turunda da həmyerlimiz Şəhriyar Məmmədyarov qələbə qazana bilməyib. Əvvəlki oyunların hamısını yarım xalla başa vuran şahmatçımız bu dəfə sabiq dünya çempionu Vladimir Kramniklə heç-heçə edib. Hesabat turunda Luk van Velini (Hollandiya) təslim edən Yan Qustafsson (Almaniya) 3,5 xalla turnirin vahid liderinə çevrilib. Peter Leko (Macarıstan) və Yan Nepomnyaşinin (Rusiya) hesabında 3 xal var. Vasili İvançuk (Ukrayna), V.Kramnik və Ş.Məmmədyarov hərəyə 2,5 xal toplayıblar. Arkadi Naydiç (Almaniya) aktivinə 2, van Velinin isə 1 xal yazdırıb. Azərbaycan şahmatçısı növbəti turda V.İvançukla qarşılşacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!