Bakı. Aqşin Əliyev - APA-Sport. Azərbaycan alpinistləri Elbrus dağını növbəti dəfə fəth ediblər. Bu haqda “APA-Sport” agentliyinə Azərbaycan Alpinizm Federasiyasının vitse-prezidenti Saridan Mursaqulov məlumat verib. Həmkarlar İttifaqları Respublika Alpinist-Turist İdman klubuna da rəhbərlik edən S.Mursaqulovun sözlərinə görə, bu dəfəki yürüş həddən artıq çətin olub: “Slovakiyada Tatra dağının fəthindən sonra uzun yol qət edərək, Kabardin-Balkariyada yerləşən Elbrus alpinist bazasına gəldik. Bir-iki gün dincəldikdən sonra Elbrus dağına qalxmağa başladıq. Hava şəraiti çox kəskin idi. Bərk külək və qarın çoxluğu çətinlik yaradırdı. Həmçinin, Elbrus dağında siklon cərəyan edirdi. Buna baxmayaraq, qarşımıza qoyduğumuz məqsədə çatdıq”. S.Mursaqulov vurğulayıb ki, komanda sabah Gürcüstana yola düşəcək.
Qeyd edək ki, alpinistlərimiz 2007-ci ilin avqustunda da Elbrus dağını fəth etmişdilər.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!